Onderwijscoach

Fakatuere by Semko • Taalplan Frysk 2030 • Underwiiscoach Frysk Hasto romme ûnderfining yn it ûnderwiis en fynsto it moai om skoallen fierder te helpen sûnder sels foar de klasse te stean? Dit is in funksje foar immen dy't ûnderwiis begrypt, minsken oanfielt en it Frysk op in natuerlike, praktyske en noflike manier fierder bringe wol. Do wurkest selsstannich fanút hûs en giest op paad nei skoallen. Do wurdst ynwurke en stiest yn kontakt mei de oare skoalstipers fan Semko. Perfekte Fryske stavering is net nedich; goed kontakt meitsje yn it Frysk wol. Ek asto mei pensjoen bist, nûgje wy dy fan herte út om te reagearjen. Hasto romme ûnderfining yn it ûnderwiis en fynsto it moai om skoallen fierder te helpen sûnder sels foar de klasse te stean? Foar Taalplan Frysk 2030 sykje wy in Skoalstiper Frysk. Net ien dy't komt te fertellen hoe't it moat, mar foaral ien dy't goed harkje kin, ferbining makket en skoallen helpt om stappen te setten dy't echt by harren passe. Net as eat dat "der noch by" moat, mar as taal dy't libbet yn de skoalle, yn de klasse en yn de omjouwing fan bern. As skoalstiper helpsto skoallen om dêr op harren eigen manier mei oan 'e slach te gean. As skoalstiper bist it fêste oansprekpunt foar in tal skoallen yn Fryslân. Do besikest skoallen, hast petearen mei direkteuren, learkrêften en taalkoördinatoaren en harkest goed nei wat der al is, wat der libbet en wêr't kânsen lizze. Do slútst oan by de ûntwikkeling fan de skoalle. Fan dêrút tinkst mei oer passende stappen foar Frysk yn it ûnderwiis. Soms giet dat oer materialen, soms oer lessen, soms oer fisy, soms oer it nije kurrikulum en soms foaral oer entûsjasme en fertrouwen. Do helpst skoallen om it Frysk net yngewikkelder te meitsjen as nedich is. - harkje nei de fragen en winsken fan de skoalle - oanslute by wêr't de skoalle al mei dwaande is - ôfspraken en ûntwikkelingen fêstlizze yn in lochboek Do wurdst ynwurke, ferdjippest dy yn de teory en wurkwize dy...